KREA ideien eta edukien sortzaile bezala definitzen da. Ekarpen horren oinarri gisa, hasi zenetik, ikerketa-proiektuen garapena sustatuko du, KREA BEKAK programaren barnean; beka horiek hausnarketarako euskarria emateaz gain, zentroan sortuko diren proiektuak babestuko dituzte.
KREAk prozesu eta produktu artistikoak eta kulturalak garatzen ditu ikusmen-arteetan, arte eszenikoetan, literatur arteetan, … Kulturaren sormena aberastea du helburu, eta, horretarako, protagonistei beharrezko erremintak eta baliabideak eskaintzen dizkie eta diziplina artistiko ezberdinen arteko elkarrizketarako bidea errazten du.
KREAk sustatuko ditu kulturaren eta artearen eremu ezberdinetan profesionalen eta publikoen arteko eztabaida teorikoa bultzatuko duten hezkuntza-programak. Tailerrak, mintegiak, jardunaldiak, … egingo dira hezkuntza-instituzio ezberdinekin batera, prestakuntza akademikoa osatzearren. Aldi berean, zentroaren nahia da publiko ezberdinengana gerturatzea kultur eta arte eremuaren dimentsio ezberdinak.
Erakusketaren bitartez, KREAk ezagutzera emango ditu kultur proposamen garaikideenak. Horretarako, erakusketak, kontzertuak, antzerkia, dantza, e.a. antolatuko ditu. Horrez gain, foroak irekiko ditu eremu sozialean, zientifikoan eta ingurumenean gizarte garaikideak bizi dituen aldaketak aurkezte eta eztabaidatze aldera. Halaber, aisiarako jarduerak antolatuko ditu, zentroa talde sozial askorengana irekitzearren.
